యార్లుంగ్-సాంగ్పొ నదిపై చైనా తలపెట్టిన ఆనకట్టతో భారత్కు ప్రమాదం పొంచి ఉందని నదీజలాల ఇంజినీరింగ్ నిపుణులు ఈటీవీ భారత్తో వెల్లడించారు. అన్ని వర్గాలు లబ్ధిపొందాలంటే కలిసి పనిచేయడం ఒక్కటే మార్గమని పేర్కొన్నారు.
చైనాలోని యార్లుంగ్-సాంగ్పొ నది.. భారత్లోని అసోంలో బ్రహ్మపుత్రగా, బంగ్లాదేశ్లో పద్మగా ప్రవహిస్తుంది. దీనిపై చైనా ఓ ఆనకట్టను నిర్మిస్తోంది. అయితే ఇందులో భారత్-బంగ్లాదేశ్ను వాటాదారులుగా చైనా చేర్చాలని అభిప్రాయపడ్డారు ఐఐటీ రూర్కీ అధ్యాపకులు, 45ఏళ్లుగా వివిధ నదీజలాల ఇంజినీరింగ్ ప్రాజెక్ట్లో పని చేసిన ప్రొఫెసర్ నయన్ శర్మ.
"నేను ఈ నదికి సంబంధించి పనుల్లో పని చేశాను. చైనా నిర్ణయంతో భారత్-బంగ్లాదేశ్కు ముప్పుపొంచి ఉంది. ముఖ్యంగా భద్రత, పెట్టుబడులు, సాంకేతిక పరిజ్ఞానంపై సమస్యలున్నాయి. ముందుకెళ్లాలని చైనా నిర్ణయించుకుంటే.. భారత్-బంగ్లాదేశ్ను ప్రధాన వాటాదారులుగా చేర్చుకోవాలి. అప్పుడే ఏం జరుగుతుందో తెలుసుకోవచ్చు."
--- ప్రొ. నయన్ శర్మ, ఐఐటీ రూర్కీ
ఎక్కువ విద్యుత్ను ఉత్పత్తి చేసే అవకాశం ఉన్న చోటే డ్యాంను నిర్మిస్తామని.. చైనా అధికారిక పత్రిక గ్లోబల్ టైమ్స్ కథనం ప్రచురించింది. భారీ హైడ్రోపవర్ ప్రాజెక్టు నిర్మించి.. దాని ద్వారా ఉత్పత్తి అయ్యే విద్యుత్ను పొరుగు దేశాలకు కూడా పంచే యోచనలో ఉన్నట్టు పేర్కొంది. అయితే డ్యాం నిర్మించినప్పటికీ.. నది ప్రవహిస్తున్న దేశాల్లో ఎలాంటి నీటి కొరత ఉండదని తెలిపింది.
(రచయిత-సంజీవ్ బారువా)
ఇదీ చూడండి:- 'బ్రహ్మోస్'కు భలే గిరాకీ- భారత్ కీలక షరతు
